വായന കളരി
🌐 EDAVA PANCHAYAT PORTAL ഹോം | വാർത്തകൾ | ലൈബ്രറി | ഗാലറി
LOCAL NEWSഇടവ പഞ്ചായത്ത് പബ്ലിക് ലൈബ്രറിയിൽ 'വായനക്കളരി' സംഘടിപ്പിച്ചു
📅 മേയ് 2026 📍 ഇടവ, വർക്കല
ഇടവ: ഇടവ ഗ്രാമപഞ്ചായത്ത് പബ്ലിക് ലൈബ്രറി ആൻഡ് റീഡിങ് റൂമിന്റെ ആഭിമുഖ്യത്തിൽ കുട്ടികൾക്കായി 'വായനക്കളരി' സംഘടിപ്പിച്ചു. പഞ്ചായത്ത് കോൺഫറൻസ് ഹാളിൽ നടന്ന ചടങ്ങിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് റീതു മോഹൻ നിർവഹിച്ചു. വൈസ് പ്രസിഡന്റ് പി.സി. ബാബു ചടങ്ങിൽ അധ്യക്ഷത വഹിച്ചു.
വർക്കല താലൂക്ക് ലൈബ്രറി കൗൺസിൽ സെക്രട്ടറി ജി.എസ്. സുനിൽ മുഖ്യപ്രഭാഷണം നടത്തി. പ്രമുഖ സാഹിത്യകാരനും സാംസ്കാരിക പ്രവർത്തകനുമായ ജയചന്ദ്രൻ പനയറ പുസ്തക ആസ്വാദന ക്ലാസ്സ് നയിച്ചു.
🧠 'കൗമാര മനസ്സിന്റെ വ്യാകുലതകളും പ്രതിവിധികളും' എന്ന വിഷയത്തിൽ പ്രമുഖ കൗൺസിലിംഗ് സൈക്കോളജിസ്റ്റ് ഹഫ്സിയ താജുദ്ദീൻ. ജി കുട്ടികളുമായി സംവദിച്ചു.
📝 പത്രപ്രവർത്തനം, ലൈബ്രറി സയൻസ്, വ്യക്തിത്വ വികസനം എന്നീ വിഷയങ്ങളെ അധികരിച്ചും വായനക്കളരിയിൽ ക്ലാസുകൾ നടന്നു.
👥 ചടങ്ങിൽ പങ്കെടുത്തു സംസാരിച്ചവർ:
വികസന സ്റ്റാൻഡിങ് കമ്മിറ്റി ചെയർപേഴ്സൺ ശൈലജ. എസ്, കുടുംബശ്രീ സിഡിഎസ് ചെയർപേഴ്സൺ സന്ധ്യ. സി.എസ്, മുൻ ഗ്രാമപഞ്ചായത്ത് വൈസ് പ്രസിഡന്റും വർക്കല താലൂക്ക് ലൈബ്രറി കൗൺസിൽ അംഗവുമായ ഹർഷാദ് സാബു, താലൂക്ക് ലൈബ്രറി കൗൺസിൽ വൈസ് പ്രസിഡണ്ട് എസ്. ബാബു, ഗ്രാമപഞ്ചായത്ത് സെക്രട്ടറി ഗിരീഷ് ലാൽ. എൻ.സി, ഗ്രാമപഞ്ചായത്ത് മെമ്പർമാർ, ലൈബ്രേറിയൻ ജി. ബദരിനാഥ് എന്നിവർ സന്നിഹിതരായിരുന്നു.
© 2026 ഇടവ ഗ്രാമപഞ്ചായത്ത് ഇൻഫർമേഷൻ വിങ്. എല്ലാ അവകാശങ്ങളും നിക്ഷിപ്തം.
